Учам германски ТП
Јас сум Наталија Кирковска, дипломиран професор по германски јазик на универзитетот „Св. Кирил и Методиј“ во Скопје, со повеќе од една деценија искуство во едукативниот сектор. Мојот професионален пат е обликуван од мојата страст кон германскиот јазик и стремежот кон висококвалитетно и иновативно јазично образование.
Детален Опис
Мојата љубов кон германскиот јазик започна уште во моето детство, кога на возраст од десет години го открив неговиот ритам и структура. Оваа ранa фасцинација прерасна во животна определба, а при изборот на студии, без двоумење се одлучив да го посветам својот академски развој во изучувањето на овој јазик. Веќе како студент, започнав да предавам приватни часови, што ми овозможи рано да ја усовршам својата методологија и да стекнам практично искуство. По дипломирањето, мојот професионален развој продолжи во неколку приватни училишта низ Македонија, каде што ги усовршив своите педагошки вештини и работев на развивање на современи пристапи кон изучување на јазикот. Сепак, мојата амбиција отсекогаш беше да го искусам животот во Германија – земјата која е сржта на јазикот и културата што ги предавам. Преселбата во Германија беше исполнета со бројни предизвици од самиот старт, но мојата упорност и посветеност, проследени со бројни апликации и интервјуа, ми овозможија да живеам во оваа земја и да работам со интернационални ученици, помагајќи им да го совладаат јазикот и да го изградат својот професионален и личен потенцијал. Мојата професионална филозофија е заснована на уверувањето дека секој човек има неограничен потенцијал да ги оствари своите цели, колку и да изгледаат недостижни. Совладувањето на еден странски јазик не е само процес на меморирање нови зборови и граматички правила, туку патување кое отвора нови хоризонти и овозможува запознавање со различни култури, вредности и перспективи. Знаењето на еден странски јазик не само што ги унапредува комуникациските способности, туку го збогатува индивидуалното разбирање за светот и ни помага да ја цениме убавината на културната разноликост. Дополнително на нашата платформа ќе најдете и корисни информации и совети поврзани со животот и кариерата во Германија: Поддршка при изработка на CV и мотивациско писмо Подготовка за интервју за работа Совети за интеграција, култура и пазарот на труд во Германија Сите курсеви се направени според меѓународни стандарди од професор со долгогодишно искуство во Германија како предавач и испитувач.
